“میں نے ابھی گنتی کی ہے جس کے مطابق میرے 97 نکاح ہوچکے ہیں. میری بیویاں کہاں ہیں”
“مجھے تو یہ بھی یاد نہیں کہ پہلی بار ہاں کسے کی تھی. میرا اصلی شوہر کون ہے. استغفراللہ”
یہ کہنا ہے مختلف اداکاروں کا جو سوشل میڈیا پر 3 برس پرانی علماء کی کلپ ایک بار پھر وائرل ہوجانے پر اپنے اپنے نکاح گننا شروع ہوگئے ہیں.
یہ وائرل کلپ چند برس پہلے ایک نجی شو کے پروگرام قطب آن لائن کا ہے جس میں مختلف علما حضرات دعویٰ کرتے ہیں ڈراموں میں میاں بیوی کی اداکاری کرنے والوں کا نکاح اور طلاق حقیقت میں واقع ہوجاتی ہے. دیکھیں کلپ
ماڈل اور اداکارہ اس بات پر تنقید کرتے ہوئے کہتی ہیں کہ “اگر اس قسم کی بات مولوی صاحب کہہ رہے ہیں کہ جھوٹے ڈرامے میں نکاح سچ ہوسکتا ہے اور وہ نکاح جائز ہے تو اس کا مطلب تو یہ ہے کہ آپ فحاشی پھیلانے کی کلین چٹ دے رہے ہیں کہ لوگ جھوٹا نکاح، جھوٹے مولوی، اور جھوٹے دستخط کرکے بھی نکاح کرسکتے ہیں۔ اگر آپ یہ کہنے کی کوشش کرہے ہیں تو آپ کے اس بیان سے فحاشی پھیل سکتی ہے اور اس کے علاوہ عورتوں کو زبردستی پکڑ کر ان کے نام تبدیل کرکے، زبردستی دستخط کروائے جاسکتے ہیں جو آپ خود کہہ رہے ہیں کہ ایسا جائز ہے، پلیز خدارا ایسی فضول باتوں پر عمل نہ کریں”
